ក្រុមហ៊ុនព្រូដិនសលកម្ពុជា បន្តភាពរីកចម្រើនគួរឲ្យកត់សម្គាល់លើផ្នែកហិរញ្ញវត្ថុក្នុងឆ្នាំ២០២៣

• ក្រុមហ៊ុនព្រូដិនសលកម្ពុជា ទទួលបានលទ្ធផលហិរញ្ញវត្ថុដ៏រឹងមាំសម្រាប់ការិយបរិច្ឆេទ ២០២៣ ជាមួយនឹងប្រាក់ចំណេញសុទ្ធចំនួន ១៤.១ លានដុល្លារអាមេរិក។ ទ្រព្យសកម្មសរុបរបស់ក្រុមហ៊ុនកើនឡើង ១៦.៦ ភាគរយ ដល់ ៣៦១.២ លានដុល្លារអាមេរិក។
• ក្រុមហ៊ុនព្រូដិនសលកម្ពុជា ផ្តោតលើការលើកស្ទួយដល់ការផ្តល់ជូនសេវាធានារ៉ាប់រងកាន់តែទូលំទូលាយ ការចូលរួមតាមរយៈ ប្រព័ន្ធឌីជីថល និងការបង្កើនទំនាក់ទំនងជាមួយសហគមន៍ ខណៈដែលក្រុមហ៊ុនផ្តល់ជូននូវផលិតផលធានារ៉ាប់រងឌីជីថលដែលមានតម្លៃសមរម្យ។ ក្នុងឆ្នាំ ២០២៣ ក្រុមហ៊ុន បានដាក់ឲ្យប្រើប្រាស់ផលិតផលធានារ៉ាប់រងថ្មី PRUសន្សំ និង PRUថែទាំ ជាមួយនឹងគម្រោងធានារ៉ាប់រងការពារហិរញ្ញវត្ថុនិង សុខភាព ដែលមានភាពងាយស្រួល និងតម្លៃសមរម្យ សម្រាប់ប្រជាជនកម្ពុជា។
• ក្រុមហ៊ុន នៅតែបន្តឆន្ទ:យ៉ាងមោះមុតក្នុងការគាំពារសុខុមាលភាព និងការអភិវឌ្ឍន៍សហគមន៍ រួមមានកម្មវិធីគោលដូចជា កម្មវិធីអប់រំហិរញ្ញវត្ថុមូលដ្ឋានសម្រាប់កុមារ ឆា-ឈីង (Cha-Ching) គម្រោងសាលារៀនសុវត្ថិភាព (Safe School) គម្រោងសុវត្ថិភាពចរាចរណ៍ផ្លូវគោក (Safe Step Road Safety) គម្រោងលើកកម្ពស់អក្ខរកម្មហិរញ្ញវត្ថុនិងឌីជីថលសម្រាប់សហគ្រិនស្រ្តី និងកម្មវិធីលើកកម្ពស់ភាពរឹងមាំសុវត្ថិភាព សុខភាពអនាម័យតាមសាលារៀន (Be Clean Be Cool)

(ភ្នំពេញ) ថ្ងៃទី ២៥ ខែមិថុនា ឆ្នាំ២០២៤ ៖ ក្រុមហ៊ុនព្រូដិនសលកម្ពុជា ដែលជាក្រុមហ៊ុន ធានារ៉ាប់រងអាយុជីវិត និង សុខភាព ដែលឈានមុខគេមួយ នៅក្នុងប្រទេសកម្ពុជា បានបង្ហាញពីលទ្ធផលហិរញ្ញវត្ថុដ៏រឹងមាំសម្រាប់ការិយបរិច្ឆេទដែលបានបញ្ចប់ថ្ងៃទី៣១ ខែធ្នូ ឆ្នាំ២០២៣។ ក្រុមហ៊ុន ក៏បានចូលរួមចំណែកយ៉ាងសកម្មក្នុងការលើកស្ទួយដល់ការផ្តល់ជូននូវសេវាធានារ៉ាប់រងកាន់តែទូលំទូលាយ ការអភិវឌ្ឍផ្នែកឌីជីថល ព្រមទាំងការចូលរួមចំណែកនៅក្នុងសហគមន៍ ដែលសបញ្ជាក់ឲ្យឃើញនូវការតាំងចិត្តដ៏មោះមុតក្នុងការចូលរួមចំណែកអភិវឌ្ឍសង្គម។

ក្រុមហ៊ុនព្រូដិនសលកម្ពុជា បង្ហាញពីសក្ខីភាពនៃប្រសិទ្ធភាពប្រតិបត្តិការយុទ្ធសាស្រ្ត និងជំហរដ៏រឹងមាំក្នុងទីផ្សារធានារ៉ាប់រងជាមួយនឹងលទ្ធផលហិរញ្ញវត្ថុដ៏រឹងមាំ ជាពិសេសប្រាក់ចំណេញសុទ្ធចំនួន ១៤.១ លានដុល្លារអាមេរិក។ គិតត្រឹមឆ្នាំ ២០២៣ មូលធនសរុបរបស់ក្រុមហ៊ុនមានការកើនឡើង ១៨.៧ ភាគរយ ចាប់ពី ៧៥.៥ លានដុល្លារអាមេរិក ដល់ ៨៩.៦ លានដុល្លារអាមេរិក។

ទ្រព្យសកម្មសរុបរបស់ក្រុមហ៊ុនមានការកើនឡើងគួរឲ្យកត់សម្គាល់ដល់ទៅ ៣៦១.២ លានដុល្លារអាមេរិក កើនឡើង ១៦.៦ ភាគរយ ធៀបទៅនឹងឆ្នាំមុន។ បន្ថែមពីលើនេះ ក្រុមហ៊ុនព្រូដិនសលកម្ពុជា បង្ហាញឲ្យឃើញនូវការកើនឡើងនៃបុព្វលាភធានារ៉ាប់រងដុល ៧.៤ ភាគរយ កើនដល់ ៧៦.៧ លានដុល្លារអាមេរិក ខណៈសំណង និងអត្ថប្រយោជន៍ដែលបានកើនឡើង ពី​ ៣.៥ លាន ក្នុងឆ្នាំ​២០២២ ហើយក្នុងការិយបរិច្ឆេទថ្មីនេះ ឈានដល់ ៤.៤ លាន ដុល្លារអាមេរិក ដែលស្មើនឹង​២៥.៥ ភាគរយ នៃសំណង និងអត្ថប្រយោជន៍សរុប។

លោក ពន្លឺ តុលា អគ្គនាយកនៃក្រុមហ៊ុនព្រូដិនសលកម្ពុជា បានមានប្រសាសន៍ថា «យុទ្ធសាស្ត្ររបស់ក្រុមហ៊ុនព្រូដិនសលកម្ពុជាក្នុងការធ្វើឲ្យវិស័យធានារ៉ាប់រងកាន់តែទូលំទូលាយ និងមានតម្លៃសមរម្យ គឺបន្តឆ្លើយតបទៅនឹងតម្រូវការរបស់អតិថិជន។ បើទោះបីជាទីផ្សារមានការប្រកួតប្រជែងខ្លាំង ក្រុមហ៊ុនព្រូដិនសលកម្ពុជា នៅតែរក្សាជំហររឹងមាំក្នុងទីផ្សារនិងបន្តផ្តល់ជូនគុណតម្លៃដល់អតិថិជន និងដៃគូពាក់ព័ន្ធទាំងអស់។»

«លទ្ធផលហិរញ្ញវត្ថុដ៏រឹងមាំនេះសបញ្ជាក់ឲ្យឃើញនូវ ការប្តេជ្ញាចិត្តដ៏មោះមុតនិងការខិតខំប្រឹងប្រែង ដ៏ប៉ិនប្រសព្វរបស់ក្រុមការងារ ក៏ដូចជាការផ្តោតសំខាន់របស់យើងទៅលើការបង្កើតថ្មី ការយកអតិថិជនជាធំ និងសេវាអតិថិជនដ៏ល្អឥតខ្ចោះ។ នាពេលអនាគត ក្រុមហ៊ុនបន្តប្តេជ្ញាចិត្ត ក្នុងការជម្រុញឲ្យមានការរីកចម្រើនប្រកបដោយនិរន្តរភាព ពង្រីកបណ្តាញចែកចាយរបស់ក្រុមហ៊ុន ព្រមទាំងផ្តល់ជូននូវសេវាកម្មនិងផលិតផលដែលបំពេញតម្រូវការថ្មីៗរបស់អតិថិជន។ ខ្ញុំសង្ឃឹមយ៉ាងមុតមាំថា ដោយមានការជួយជ្រោមជ្រែងពីសំណាក់ បុគ្គលិក ដៃគូ និង ភាគីពាក់ព័ន្ធទាំងអស់ ក្រុមហ៊ុនព្រូដិនសលកម្ពុជានឹងបន្តរីកចម្រើន និងផ្ដល់ផលប៉ះពាល់វិជ្ជមានជូនដល់ប្រជាជនកម្ពុជា។»​

លោកបានបន្ថែមទៀតថា «នៅឆ្នាំ២០២៣ យើងបានផ្តោតលើការបង្កើនលទ្ធភាពនិង ការផ្តល់ជូននូវផលិតផលថ្មីៗ របស់យើង ដូចជា PRUសន្សំ និង PRUថែទាំ ដែល ត្រូវបានបង្កើតឡើងដើម្បីបំពេញតម្រូវការរបស់ក្រុមគ្រួសារកម្ពុជា ក៏ដូចជាជួយពួកគេឲ្យធានាបានទាំង អនាគត សុខភាព និង ហិរញ្ញវត្ថុ របស់ពួកគេផងដែរ។»

និរន្តរភាពជំរុញវឌ្ឍនភាព
ក្រុមហ៊ុន ព្រូដិនសលកម្ពុជា មានមោទកភាពក្នុងការប្រកាសនូវវឌ្ឍនភាពដ៏សំខាន់របស់ខ្លួននៅឆ្នាំ ២០២៣ ដែលជំរុញដោយការផ្តោតសំខាន់ពីរលើការផ្លាស់ប្តូរជាមួយប្រព័ន្វឌីជីថល និងនិរន្តរភាព។ គំនិតផ្តួចផ្តើមរបស់ក្រុមហ៊ុន នៅឆ្នាំនេះបានឆ្លុះបញ្ចាំងពីការយកចិត្តទុកដាក់យ៉ាងមុតមាំក្នុងការបង្កើនបទពិសោធន៍របស់អតិថិជនតាមរយៈដំណោះស្រាយឌីជីថលប្រកបដោយភាពច្នៃប្រឌិត និងការលើកកម្ពស់ការអនុវត្តប្រកបដោយនិរន្តរភាពដែលផ្តល់អត្ថប្រយោជន៍ជូនទាំងអតិថិជន និងសហគមន៍ឱ្យកាន់តែទូលំទូលាយ។

ប្រតិបត្តិការបៃតង៖ ក្រុមហ៊ុន ព្រូដិនសលកម្ពុជាបានអនុវត្តគំនិតផ្តួចផ្តើមបៃតងជាច្រើនដើម្បីកាត់បន្ថយដានកាបូន។ គំនិតផ្តួចផ្តើមទាំងនេះរួមមានការអនុវត្តការប្រតិបត្តិការងារនៅក្នុងការិយាល័យដែលប្រើប្រាស់ថាមពលប្រកបដោយប្រសិទ្ធភាព មិនប្រើប្រាស់ក្រដាស និងកម្មវិធីកាត់បន្ថយកាកសំណល់។

ការចូលរួមជាមួយសហគមន៍៖ ក្រុមហ៊ុន ព្រូដិនសលកម្ពុជាចូលរួមយ៉ាងសកម្មជាមួយសហគមន៍មូលដ្ឋាន ដើម្បីលើកកម្ពស់ការអនុវត្តប្រកបដោយនិរន្តរភាព។ គំនិតផ្តួចផ្តើមនេះ រួមមានកម្មវិធីអប់រំស្តីពីការអភិរក្សបរិស្ថាន ការគាំទ្រគម្រោងថាមពលកកើតឡើងវិញ និងភាពជាដៃគូជាមួយអង្គការក្រៅ

រដ្ឋាភិបាលដើម្បីដោះស្រាយបញ្ហាបរិស្ថាន។

ផលិតផលប្រកបដោយនិរន្តរភាព៖ ក្រុមហ៊ុនព្រូដិនសលកម្ពុជាបានប្តេជ្ញាចិត្តក្នុងការអភិវឌ្ឍផលិតផលធានារ៉ាប់រងដែលគាំទ្រដល់ការរស់នៅប្រកបដោយនិរន្តរភាព រួមទាំងជម្រើសនៃការធានារ៉ាប់រងសម្រាប់គេហដ្ឋាន និងយានជំនិះដែលមិនប៉ះពាល់ដល់បរិស្ថាន ក៏ដូចជាការលើកទឹកចិត្តសម្រាប់អតិថិជនដែលទទួលយកការអនុវត្តបៃតង។

ការយកចិត្តទុកដាក់របស់ក្រុមហ៊ុន ព្រូដិនសលកម្ពុជា ក្នុងការពង្រឹង និងអភិវឌ្ឍរបស់សហគមន៍ គឺបង្ហាញឱ្យឃើញតាមរយៈការវិនិយោគជាបន្តបន្ទាប់របស់ក្រុមហ៊ុនលើវិស័យអប់រំ និងសុខភាព។ លោក តុលា បានមានប្រសាសន៍ថា «ការប្តេជ្ញាចិត្តរបស់យើងចំពោះសុខុមាលភាពសហគមន៍គឺមិនផ្លាស់ប្តូរទេ។ គំនិតផ្តួចផ្តើមដូចជាកម្មវិធីបណ្តុះបណ្តាលចំណេះដឹងផ្នែកហិរញ្ញវត្ថុ ឆា- ឈីង (Cha-Ching) និងគម្រោងសុវត្ថិភាពចរាចរណ៍ផ្លូវគោក (Safe Step) កំពុងបន្តក្នុងការកសាងមូលធនសង្គម និងជំរុញសហគមន៍ដែលមានសុវត្ថិភាព។»

នៅឆ្នាំនេះ ការផ្តោតសំខាន់មួយនៃក្រុមហ៊ុន ព្រូដិនសលកម្ពុជា នៅតែផ្តោតលើការជម្រុញបណ្តាញចែកចាយដ៏សម្បូរបែប របស់ខ្លួន ក្នុងការផ្តល់ជូនសេវាកម្មហិរញ្ញវត្ថុ និងសេវាធានារ៉ាប់រងអាយុជីវិត​​ឲ្យកាន់តែទូលំទូលាយ។ លោកបានបន្ថែមថា «ខណៈដែលយើងបាននិងកំពុងធ្វើប្រតិបត្តិការនៅកម្ពុជាអស់រយៈពេល១១ នាឆ្នាំនេះ យើងនឹងបន្តការច្នៃប្រឌិតនិងជំរុញការផ្លាស់ប្តូរ ដើម្បីធានាឲ្យបានថាយើងអាចបំពេញតម្រុូវការរបស់អតិថិជនរបស់យើងលើសពីការរំពឹងទុក។

ព្រូដិនសល កម្ពុជា នៅតែបន្តប្តេជ្ញាចិត្ត នាំមកនូវការផ្លាស់ប្តូរវិជ្ជមាន  និងផ្តល់ជូននូវគុណតម្តៃជូនដល់អតិិថិជន ភាគីពាក់ព័ន្ធ និងសហគមន៍កម្ពុជាទាំងមូល និងបន្តក្លាយជាអ្នកដឹកនាំមួយនៅក្នុងវិស័យធានារ៉ាប់រងកម្ពុជា។

អំពីក្រុមហ៊ុន ព្រូដិនសលកម្ពុជា
ចាប់តាំងពីប្រតិបត្តិការក្នុងឆ្នាំ​ ២០១៣ ក្រុមហ៊ុន ព្រូដិនសលកម្ពុជា បានក្លាយជាក្រុមហ៊ុនធានារ៉ាប់រងអាយុជីវិតដ៏ឈានមុខគេនៅក្នុងប្រទេស ដោយផ្តល់នូវដំណោះស្រាយធានារ៉ាប់រងដែលមានភាពបត់បែនទៅកាន់អតិថិជនជាង ៤៣០, ០០០ នាក់។

ក្រុមហ៊ុន ព្រូដិនសលកម្ពុជា ជាក្រុមហ៊ុនបុត្រសម្ព័ន្ធ នៃ ក្រុមហ៊ុន ព្រូដិនសល ភីអិលស៊ី (Prudential plc)។ ក្រុមហ៊ុន ព្រូដិនសល ភីអិលស៊ី ផ្តល់សេវាធានារ៉ាប់រងអាយុជីវិត និងសុខភាព និងការគ្រប់គ្រងទ្រព្យសម្បត្តិនៅដល់អតិថិជនចំនួន ១៨ លាននាក់ក្នុងទីផ្សារចំនួន ២៤ទូទាំងតំបន់អាស៊ី និងអាហ្រ្វិក
បេសកម្មរបស់យើងខ្ញុំ គឺដើម្បីក្លាយជាដៃគូ និងអ្នកការពារដែលគួរឱ្យទុកចិត្តបំផុត សម្រាប់លោកអ្នក និងអ្នកជំនាន់ក្រោយ ដោយការផ្តល់ការការពារសុខភាព និងហិរញ្ញវត្ថុដែលងាយស្រួលបំផុត។​

អាជីវកម្មនេះបានចុះឈ្មោះក្នុង​ ទីផ្សារ​ភាគ​ហ៊ុនបឋមចំនួនពីរ ដែលមាននៅផ្សារភាគហ៊ុន ហុងកុង (២៣៧៨) និងផ្សារភាគហ៊ុនទីក្រុងឡុងដ៍ (PRU)។ ហើយក៏មានការចុះឈ្មោះក្នុង​ ទីផ្សារ​ភាគ​ហ៊ុនបន្ទាប់បន្សំ នៅលើផ្សារភាគហ៊ុនសិង្ហបុរី (Singapore Stock Exchange) និង ផ្សារភាគហ៊ុនញូវយ៉ក (New York Stock Exchange) ក្នុងទម្រង់ American Depositary Receipts។ វាគឺជាធាតុផ្សំនៃសន្ទស្សន៍ Hang Seng Composite Index ហើយត្រូវបានរួមបញ្ចូលផងដែរសម្រាប់ការជួញដូរនៅក្នុងកម្មវិធីទីផ្សារ​ភាគ​ហ៊ុន Shenzhen-Hong Kong Stock Connect។ ក្រុមហ៊ុនព្រូដិនសល ពុំមានការជាប់ទាក់ទងក្នុងលក្ខណៈណាមួយជាមួយក្រុមហ៊ុន Prudential Financial, Inc.  ដែលមានទីស្នាក់ការអាជីវកម្មគោលនៅសហរដ្ឋអាមេរិកឬ ជាមួយក្រុមហ៊ុន The Prudential Assurance Company Limited ដែលជាក្រុមហ៊ុនបុត្រសម្ព័ន្ធរបស់ M&G plc និងកំពុងប្រតិបត្តិការក្នុងចក្រភពអង់គ្លេស។